專有名詞

專有名詞

前幾日寫左「看清現狀」之後看見有網友提到「Audit界的術語」。看完之後，心中衝動整理一下自己入行到現在所接觸到的「術語」。其實這些「術語」只是由audit或account的「專有名詞」演變過來，只是少人去分享呢D話題，現在亦讓「小朋友」一齊學習呢D「術語」，老手就當「溫故知新」一下啦。

AIC (Auditor-in-charge):指你隻job(即是engagement)的阿頭，通常由senior擔任，甚麼grade就視乎隻job的大小。

開job飯/收job飯:指每次開始新engagement時，AIC都會請同組的成員食一餐飯，呢個習俗成因不明，但已經成為習慣。

Mat-level:指materiality level，這個通常由manager或AIC決定，但結果就會決定你接下來工作的多與少了。

Audit workdone : 包羅萬有，如analytical procedures，testing，inquires 等等

T-test:指transaction test，新鮮人通常一定會接觸到，主要在sales-receivable cycle 同 purchase-payable cycle做，目的是確保個transaction 的 occurrence, valuation 同presentation 冇錯(no misstatement)。

Cut-off test:新鮮人都會接觸到的task, 主要在sales-receivable cycle 同 purchase-payable cycle做，目的是確保個transaction 的cutoff冇錯 (即是不可入錯accounting period)

Alternative-test : 新鮮人都會接觸到的task, 主要在sales-receivable cycle 同 purchase-payable cycle做，目的是確保個 receivable 和 payable 的existence冇錯。睇下有冇人之後比錢去settle個receivable或自己比錢去settle個payable。

Search for unrecorded liability : 新鮮人都會接觸到的task, 主要purchase-payable cycle做，目的是確保個 payable 的completeness冇錯。(尤其是disposal的公司一定要小心地做，因為會有risk of understatement of liability)

解fluctuation : 指任可一個accounts的balance 或variance過左mat-level或 tolerable error(各CPA firm方法不同) 的話就需要做audit-workdone，解釋一下這個account item的nature同variance成因。(剛完成一隻job，個manager勁玩野，要我在個balance 同variance都唔過mat-level的item做audit workdone，真係想少爆佢。)

Tel唔Tel : 指manager要求你的working的audit workdone的仔細情況(因個別engagement/partner/manager/AIC要求而定，小朋友只可以唯命是從)

出Q : 指manager/partner review 完你個working之後，問一些問題(inquires)要你解釋，問題深淺程度不一，小朋友只可以唯命是從(曾試過因疲倦打錯日期，比manager Q 個日期有冇問題，曾有同事比manager Q audit workdone唔夠，而要去返client公司補做)

清Q : 指manager出完Q之後，你要contact個client叫佢send 返D資料比你follow，清Q時間各人不同(曾有同事在peak season做完另一隻job之後返公司清Q清通頂，第二日sick leave，3個月之後辭職)

執working : AIC將working file交上去比manager review之前，都會review一下你的working，睇下你的audit workdone缺得夠唔夠和D explanation 夠唔夠detail。之後就出Q，要你補做D workdone或執正D字體。(個人經驗 : 有個別senior/manager 連字體，大小，行距，格式都執到正，真是執到想爆粗。)

放飛機 : 呢個易學難精，只是任何testing不需寫details的地方都可以放(曾有同事分享某間big 4的working除了supplier名放唔到之外，其他地方都可以放，呢D咪叫爐火純青私境界啦。)

埋COM : 呢Ｄ野真是不要多做，指由自己一個人完成一個file，由planning到draft account一手包辦，通常呢Ｄjob　個fee低而且趕，通常都要拿「功課」返屋企做，更不要想可以claim到ＯＴ。

一人job : 同埋COM相輔相成，在local和2nd-tier都會遇到，由於隻ｊｏｂ細，通常都是由一個人一手包辦，至於Wok唔Wok如上回文章所講，都是睇manager個client姐，小朋友只可以唯命是從。）

Job搭job : 最唔想是都的情況，peak season通常出現。指自己做緊新job時，比上隻job的manager追交file / inquiries，接下來只有不停地ＯＴ，ＯＴ同ＯＴ。

講左唔少呢Ｄ術語，「小朋友」記得呢Ｄ野在peak season發生是正常過唔正常的事，而且每年都會重覆發生在各大小ＣＰＡ　Firm 入面。都是個句，「停一停，想一想」，之後才決定下唔下海啦。